რას მოიცავს UI/UX კვლევა და კონსულტაცია?

მომხმარებლის გამოცდილება იქმნება მთელი გზით - როგორ ხვდება ადამიანი საიტზე, როგორ იგებს შეთავაზებას, როგორ პოულობს ინფორმაციას და როგორ ასრულებს სასურველ მოქმედებას. UX აუდიტის მიზანია ამ გზაზე გაუგებარი, ზედმეტი ან დამაბრკოლებელი ელემენტების აღმოჩენა.

ინფორმაციის არქიტექტურა და ნავიგაცია

ვამოწმებთ რამდენად ლოგიკურად არის დაჯგუფებული გვერდები და კონტენტი, რამდენად გასაგებია მენიუ და რამდენად მარტივად შეუძლია მომხმარებელს დაკავშირებულ თემებზე გადასვლა. საჭიროების შემთხვევაში ვთავაზობთ იერარქიის, კატეგორიებისა და შიდა ბმულების გაუმჯობესებას.

მომხმარებლის გზები, CTA და ფორმები

ვაკვირდებით ძირითად სცენარებს: მომსახურების მოძიება, კონტაქტზე გადასვლა, ფორმის შევსება ან ინფორმაციის შედარება. ვაფასებთ CTA ტექსტებსა და მდებარეობას, ფორმების ლოგიკას, ველების დასახელებებს და შეცდომების შეტყობინებებს.

Responsive UX და ხელმისაწვდომობა

ინტერფეისი უნდა მუშაობდეს სხვადასხვა ეკრანზე. ვამოწმებთ touch target-ებს, ტექსტის წაკითხვადობას, keyboard-friendly სტრუქტურას, კონტრასტს და სხვა ხელმისაწვდომობის საკითხებს, რომლებიც გამოყენებადობასთან არის დაკავშირებული.

რა შედეგს მიიღებთ?

შედეგი შეიძლება იყოს პრობლემების პრიორიტეტული ჩამონათვალი, რეკომენდებული სტრუქტურა, კონკრეტული UI ცვლილებები და დეველოპმენტისთვის მომზადებული მითითებები. საჭიროების შემთხვევაში ეს მასალა შეიძლება გახდეს სრული რედიზაინის ან ეტაპობრივი გაუმჯობესების საფუძველი.

ვისთვის არის ეს სერვისი?

სერვისი განსაკუთრებით გამოსადეგია საიტებისთვის, სადაც მომხმარებლები ვერ პოულობენ საჭირო ინფორმაციას, რთულია ფორმების გამოყენება, მობილური გამოცდილება სუსტია ან ბიზნესს სურს რედიზაინის წინ არსებული პრობლემების დასაბუთებულად შეფასება.